बेधड़क मी मराठी न्यूज़ (धुळे तालुका प्रतिनिधी- दिलीप साळुंखे)
धुळे-: धुळे तालुक्यातील देऊर येथील मूळ रहिवासी तथा मर्चेंट नेव्हीमध्ये कार्यरत यश देवरे हा तरुण ओमानच्या सागरात बेपत्ता झाला. त्याचा शोध सुरू आहे. बेपत्ता यश देवरे देऊर येथील यश अविनाश देवरे ) हा तरुण मर्चेंट नेव्हीमध्ये (वय २१) आहे. ठाण्यातील स्वराज मराइन – सर्व्हिस प्रा. लि.मध्ये तो ओएस पदावर कार्यरत आहे. तो सौदी अरेबियातील ओमान येथे गेला होता. त्याच्याशी २८ जानेवारीला सायंकाळी कुटुंबीयाचे बोलणे झाले होते. मात्र, त्यानंतर त्याच्याशी संपर्क होऊ शकला नाही. तसेच २९ जानेवारीला दुपारी दोन वाजता संबंधित जहाज कंपनीने देवरे कुटुंबीयांशी संपर्क साधला. यश चालत्या जहाजमधून पाय घसरून समुद्रात पडून बेपत्ता झाला आहे. त्याचा शोध सुरू आहे, गाव यश ची वाट पाहते आहे.
यश २७ जुलै २०२४ मध्ये मर्चेट नेव्हीत रुजू झाला. त्यापूर्वी यशने मर्चेंट नेव्ही संदर्भातील कोर्स केला होता.७ महिन्यांपासून तो संपर्कात होता. त्याचे वडील शेती करतात. आई गृहिणी आहे. देवरे कुटुंबीयांसह देऊर गाव यशची वाट पाहते आहे.मंत्रालयात फेऱ्या, मानपाडा पोलिसांकडे तक्रार यशचा मोठा भाऊ नयन सोलापूरला अभियंता आहे. या विषयीची माहिती मिळाल्यानंतर तो वडिलांसह मुंबईला मंत्रालयात गेला. तसेच स्वराज कंपनीशी संपर्क साधण्यासाठी नयन ठाण्यात गेला. त्यानंतर त्यांनी टेंभीनाका येथील शिवसेनेचे कार्यालय व उपमुख्यमंत्री शिंदे यांना त्यांच्या घरी जात निवेदन दिले. तसेच त्यांनी मानपाडा पोलिसांत अर्ज दिला आहे.अशी माहिती मेलद्वारे कुटुंबीयांना दिली. त्यामुळे देवरे कुटुंबीयांनी कंपनीशी संपर्क साधला असता उडवाउडवीची उत्तरे देण्यात आली,तसेच आता संपर्क क्रमांक बंद केला आहे. त्यामुळे गेल्या आठवड्यापासून देवरे कुटुंबीय, नातलग व निकटवर्तीय त्याच्या शोधात आहे. यश कार्यरत असलेले एमटी अथेना-१ हे जहाज पाकिस्तान जवळ असुन यश ज्या जहाजात होता तेच गुजरातकडे येत होते,यश बेपत्ता झालेले ठिकाण पाकिस्तानच्या सागरी सीमेजवळ आहे.कार्यनी आता प्रतिसाद देत नाही.यशचा शोध घेण्यासाठी प्रयान कार्य,अशी अपेक्षा आहे.तसेच ओमानहून गुजरातच्या अलंग येथे या आठवड्यात येणार होते. मात्र हे जहाज किती वाजता येईल याची माहिती यंत्रणेकडून दिली जात नाही,अशी देवरे कुटुंबीयांची तक्रार आहे.त्यामुळे कुटुंबाने उपमुख्यमंत्री तथा नगरविकास मंत्री एकनाथ शिंदे यांच्याकडे गुरुवारी तक्रार केली. या तक्रारीची एक प्रत शिपिंग कंपनीच्या डायरेक्टर जनरलला पाठवली आहे.